مش عارف انا ايه الى حصلى كل مره ادخل علشان ادون حاجه ألقينى مش قادر حتى اكتب حرف عايش حاله من الاحباط الشديد يمكن علشان الشغل والى بيحصل فيه نتيجة الحاله الاقتصاديه والى حصل للشركه بتعتنا وغيرها من الشركات ممكن! طيب وايه يعنى مش محدش بيبات من غير عشا , طيب يمكن من الحاله السياسيه الى بلدنا عيشاها والقهر والذل الى حكومتنا بتمارسها على شعبنا المسكين المقهور الى لما حاول يقول رأيه فى الحياه الى هو عايشه راحت الحكومه منزله علشان خطره الامن المركزى والمصفحات ممكن ! طيب وايه يعنى احنا شعب جامد وبيستحمل وياما دقت على الراس طبول , طيب ليه الاحباط الى انا فيه ده قولت يمكن علشان انا من الجماعه المحظوره وان الكبار ولاد الكبار مش بيحبونا فشويه يعتقلونا وشويه يسحلونا وشويه يخدو حبه ويعمللهم مسرحيه مش علشان يسلوهم لاعلشان يحكموهم عسكرياً ويسجنوهم ويصادرو شركاتهم وفلوسهم اى حاجه بقى وخلاص !طيب وايه يعنى مهو من زمان والاخوان اقصد المحظوره وهى محظوره وكل يوم فى عليهم قهر وظلم والحمد الله لسه الاخوان موجوده وهتفضل موجوده انشاء الله لانهم رجاله ووقفو وقفة رجاله زى مقال المليجى, طيب ايه المشكله مش عارف حد فيكم عارف فين المشكله ياريت حد يقولى ايه المشكله .
من الاخر هقولك تعمل ايه اسمع ياعم هانى اول حاجه تاكول اكله جامده (فول طبعاً احنا لينا غيره ) وبعدين تضرب وراه واحد شاى فى الخمسينه معايه ولا سرحات ماشى وتاخد بعضك كده وتروح رايح على كوبرى قصر النيل هه معايه ولا ايه طيب طبعاً لما تروح على الكوبرى هتلاقى _صبيان وبنات_ هما ممكن يكون شكلهم مع بعض مش أدكده بس زى _ الاخوات _ فاهم وبعد كده تروح تسلم على الاسود وتقولهم انا كمان اسد وتروح رامى نفسك فى النيل وهتكون دى سنه كويسه لاى حد يتخنق من الوضع الى احنا فيه تمام وهو يبقى اسمك شهيد الخنقه الحكوميه وسلام بقى
ردحذفايه يا عم المحظور
ردحذفمالك
هون عليك
ان كانت المشكله فى العمل فهي فنا أهونها
( وفى السماء رزقكم وما توعدون , فورب السماء والأرض انه لحق مثلما أنكم تنطقون )
أما يا سيدى لو كانت للأحوال اللى بنعيشها فى البلد
فدا مش جديد
وإن شاء الله عن قريب سيرحل هؤلاء الفاسدين
بس همتك شويه يا ريس
والمدونه فعلا جميله
استازنا الجميل صاحب الامل اشكرك على زيارتك للمدونه فقد اشرقت بزيارتك لها ويارب نفضل عندنا امل الى ان يرحل الفاسدون عنا فكل ما اخشاه ان يظلوا جاثمين على صدورنا حتى نموت ولا نرى يوما كهذاولسه فى امل....
ردحذفالمخنوق ببساطة شديدة راجل مش لاقى حاجة تشغلة هواية مثلا و لكن حالة البلد تخلى واحد يبكى أبسط حاجة المسئولون بيقولوا تصريحات زى ما يكونوا بيكلموا عيل صغير و الشعب فرحان و حاجات كتير تخلى الواحد يحزن مش يتخنق لانى المخنوق إنسان محبط و الإحباط يؤدى إلى لا شئ أما الحزن يخلى الواحد عاوز يعمل تغير علشان يغير حالة الحزن فاكر لما كنت زعلان قولت أشوف حاجة كوميدى اما لو محبط فلا سبيل للتغير فارجوا من الجميع ان يحزنوا على حالة البلد مش يتخنقوا
ردحذف